ယဉ်ကျေးမှုနဲ့ သဘာဝအလှတရားတွေပေါကြွယ်ဝတဲ့ မြန်မာနိုင်ငံဟာ နွေ၊ မုတ်သုံနဲ့ ဆောင်း ဥတုရာသီ သုံးခုအလိုက် ဟင်းသီးဟင်းရွက်နဲ့ သစ်သီးဝလံတွေစုံလင်ကြွယ်ဝတဲ့ နိုင်ငံတစ်နိုင်ငံဖြစ်ပါတယ်။ ရာသီတိုင်းဟာ ထူခြားတဲ့ ရာသီပေါ်အသီးအနှံတစ်မျိုးစီနဲ့အတူ ခံတွင်းတွေ့စေမယ့် စားသောက်ဖွယ်ရာတစ်ခုဖန်တီးဖို့ အခွင့်အရေးပါပဲ။ မြန်မာနိုင်ငံရဲ့ ရာသီပေါ်အသီးအနှံတွေနဲ့ အရသာစုံလင်တဲ့စားသောက်ဖွယ်ရာတွေအကြောင်းကို လေ့လာကြည့်လိုက်ရအောင်။
နွေရာသီ
နေရောင်ခြည် ကောင်းကင်မှာသာယာလာတာနဲ့အမျှ မြန်မာနွေရာသီဟာလည်း လန်းဆန်းစေတဲ့ သစ်သီးဝလံတွေကို အတူသယ်ဆောင်လာပါတယ်။ စျေးကွက်ထဲက ရာသီပေါ်နာနတ်သီးနဲ့ သင်္ဘောသီးတွေရဲ့ ဆွဲဆောင်မှုကို ဘယ်သူမှမလွန်ဆန်နိုင်ပါဘူး။ နွေရာသီရဲ့လူကြိုက်အများဆုံး စားသောက်ဖွယ်ရာကတော့ ဂေါ်ဖီနည်းနည်း၊ သင်္ဘောသီးစိတ်လေးတွေနဲ့ အရသာရှိရှိရောနှောထားတဲ့ သင်္ဘောသီးသုပ်လေးဖြစ်ပြီး နွေအပူကနေ ခဏတာ လန်းဆန်းသွားစေမှာပါ။
ဖရဲသီးဟာ နွေရာသီအပူဒဏ်ကို တိုက်ဖျက်ဖို့ မရှိမဖြစ် လိုအပ်တဲ့ ရာသီပေါ်အသီးအနှံဖြစ်ပါတယ်။ ဖရဲသီးဖျော်ရည်ဟာ နွေရာသီရဲ့အနှစ်သာရကို ဖမ်းစားနိုင်ပြီး ရင်အေးစေတဲ့ ဖျော်ရည်တစ်မျိုးပါ။ လူစည်ကားတဲ့စျေးလမ်းတွေမှာ ပူဒီနာရွက်အနည်းငယ်နဲ့တွဲဖက်ထားတဲ့ဖရဲသီးဖျော်ရည်ဟာ လန်းဆန်းတက်ကြွစေဖို့ လူကြိုက်များတဲ့ ဖျော်ရည်ပါပဲ။
မုတ်သုံရာသီ
မုတ်သုံမိုးရွာသွန်းလာတာနဲ့တစ်ပြိုင်နက် စိုက်ခင်းတွေအားလုံးစိုစွတ်သွားပြီး ရာသီပေါ်အသီးအနှံအသစ်တွေ ထွက်ပေါ်လာတဲ့အထဲမှာ သရက်သီးကအထင်ရှားဆုံးဖြစ်ပါတယ်။ ရနံ့မွှေးကြိုင်တဲ့ “စိန်တလုံး” နဲ့ အရသာထူးခြားတဲ့ “မချစ်စု” စတဲ့ အရည်အသွေးပြည့်စုံကြွယ်ဝတဲ့ သစ်သီးတွေဟာ လတ်လတ်ဆတ်ဆတ်စားသုံးနိုင်သလို ချဉ်၊ ငံ၊ စပ် အရသာသုံးမျိုးလုံးမျှတစွာပါဝင်တဲ့ သရက်သီးသုပ်အဖြစ်လည်း စားသုံးနိုင်ပါတယ်။
နောက်ထပ် ဒီရာသီမှာ ပေါများတာကတော့ အရွယ်အစားအမျိုးမျိုးရှိတဲ့ ငှက်ပျောသီးတွေပဲဖြစ်ပါတယ်။ ဒေသခံတွေက ဒီလို အမျိုးစုံစားသုံးနိုင်တဲ့ငှက်ပျောသီးတွေကို ငှက်ပျောကြော် ပြုလုပ်ပြီး သွားရည်စာ၊ အချိုပွဲအဖြစ် ပြောင်းလဲစားသောက်ကြပါတယ်။ ငှက်ပျောသီးမှည့်ရဲ့မွှေးကြိုင်တဲ့ အနံ့နဲ့ ဆန့်ကျင်ဘက် အပြင်ဘက်မှာ ကြွပ်ရွနေတဲ့ ငှက်ပျောကြော်ဟာ မိုးရာသီရဲ့အငွေ့အသက်ကို ပုံဖော်ပေးတဲ့စားသောက်ဖွယ်တစ်မျိုးပါပဲ။
ဆောင်းရာသီ
အပူချိန်ကျဆင်းလာနဲ့အမျှ မြန်မာနိုင်ငံရဲ့ဆောင်းရာသီဟာ မတူကွဲပြားတဲ့ ရာသီပေါ်အရသာအသစ်တွေကို ဆောင်ယူလာခဲ့ပါတယ်။ ချိုမြပြီး ချဉ်စူးစူးအရသာရှိတဲ့ ကျွဲကောသီးကတော့ ဆောင်းရာသီရဲ့လူသိများတဲ့ သစ်သီးဝလံတစ်ခုပါ။ ကျွဲကောသီးကို လတ်လတ်ဆတ်ဆတ်စားသောက်နိုင်သလို ကြွဲကောသီးအမွှာလေးတွေကို မြေပဲနဲ့ အခြားအရသာရှိတာတွေနဲ့ တွဲစပ်ပြီး ကျွဲကောသီးသုပ်အဖြစ်အများဆုံးစားလေ့ရှိပါတယ်။
ဆောင်းရာသီရဲ့ နောက်ထပ်ရာသီပေါ်အသီးကတော့ ထောပတ်သီးဖြစ်ပါတယ်။ နွားနို့၊ ရေခဲတို့နဲ့ ဖျော်စပ်ထားတဲ့ ထောပတ်သီးဖျော်ရည်ဟာ အရသာစုံရောစပ်ထားတာကြောင့် စိတ်ကျေနပ်စေမယ့် ဖျော်ရည်တစ်မျိုးဖြစ်ပါတယ်။ အရည်ရွှမ်းတဲ့ သရက်သီးတွေကနေစပြီး ကြွပ်ရွတဲ့ထောပတ်သီးတွေအထိ ရာသီတိုင်းက စိတ်ကျေနပ်ဖွယ်ကောင်းပြီး ထူးခြားတဲ့ရာသီပေါ်အသီးအနှံအမျိုးမျိုးကို ဆောင်ယူပေးပါတယ်။
ဒီရာသီပေါ်အသီးအနှံတွေကတစ်ဆင့် ပေါက်ဖွားလာတဲ့ စားသောက်ဖွယ်ရာတွေဟာ မြန်မာနိုင်ငံရဲ့ စိုက်ပျိုးရေးအမွေအနှစ်ကြွယ်ဝမှုကို ရည်ညွှန်းနေရုံသာမက နိုင်ငံရဲ့သဘာဝပေါကြွယ်ဝမှုကို ဖော်ပြနေတာဖြစ်ပါတယ်။ တကယ်လို့ သင့်အနေနဲ့ မြန်မာပြည်ရဲ့ ကျေးလက်နဲ့မြို့ပြ ဒေသအသီးသီးက လူစည်ကားတဲ့ဒေသခံဈေးတွေဆီ ရောက်ဖြစ်ခဲ့မယ်ဆိုရင် ဒေသထွက် ရာသီပေါ်သစ်သီးဝလံတွေကို မြည်းစမ်းကြည့်ဖို့အခွင့်အရေးကို လက်လွှတ်ဆုံးရှုံးမခံဖို့ တိုက်တွန်းလိုက်ပါတယ်။
K Thwe
Koko Maung
Myintzu Sann
Anonymous