K- Drama ဇာတ်လမ်းတွဲတွေထဲမှာပါနေကျ ခေါက်ဆွဲအေးလေးက ပေါ့ပေါ့ပါးပါးနဲ့ ခံတွင်းလိုက်တဲ့ အစားအစာဖြစ်နေတာက တကြောင်း၊ အိမ်မှာပဲ လိုက်လုပ်ရတာလည်း လွယ်တာကြောင့် 'ကိုရီးယားခေါက်ဆွဲအေးသုပ်' လေးကို အခုတစ်ခေါက်အတွက် ရွေးချယ်ထားပါတယ်။ 

နူးညံ့တဲ့ ခေါက်ဆွဲသားနဲ့ လတ်ဆတ်တဲ့ ပါဝင်ပစ္စည်းတွေရဲ့ လန်းဆန်းသွားစေတဲ့ အရသာကြောင့် ကလေး၊ လူကြီး မရွေး တစ်အိမ်လုံးက ကြိုက်နှစ်သက် ကြမှာ အသေအချာပါပဲ။

ပါဝင်ပစ္စည်းများ

•    ကင်မ်ချီ

•    ခေါက်ဆွဲ

•    ငရုတ်အနှစ်

•    ငရုတ်ဆော့စ်

•    ပဲငံပြာရည်

•    နှမ်းဆီမွှေး

•    ပန်းသီးရှာလကာရည်

•    မုန်လာဥနီ

•    ဂေါ်ဖီထုပ်

•    ပဲပင်ပေါက်

•    မုန်လာဥဝါအချဥ် 

ခေါက်ဆွဲအေးပြုလုပ်နည်း အဆင့်ဆင့်ကတော့-

•    အရင်ဆုံး ငရုတ်အနှစ်၊ ပဲငံပြာရည်၊ ပန်းသီးရှာလကာရည်၊ ငရုတ်ဆော့စ်၊ နှမ်းဆီမွှေး၊ ကြက်သွန် ဖြူ၊ ဆားနဲ့သကြား တို့ကို အချိုးကျရောစပ်ပြီး Korea Spicy Sauce ပြုလုပ်ပါ။

•    ခေါက်ဆွဲအေးပြုလုပ်ဖို့လိုအပ်တဲ့ အသီးအရွက်တွေကို လှီးဖြတ်ထားပြီး ပဲပင်ပေါက်ကိုတော့ ရေနွေဖျောလိုက်ပါ။

•    ခေါက်ဆွဲနဲ့တွဲစားဖို့ ကြက်ဥကို ပြုတ်ထားပါ။ အမဲသားကိုလည်း အရသာသွင်းပြီး ကျက်တဲ့အထိ ကြော်ပေးပါ။ 

•    ခေါက်ဆွဲကို ၅ မိနစ်ခန့်ပြုတ်ပြီး ရေခဲရေထဲမှာ စိမ်ထားပါ။  

•    ‌နောက်ဆုံးအဆင့်အနေနဲ့ အပေါ်မှာ ပြုလုပ်ထားတဲ့ပါဝင်ပစ္စည်းတွေကို ပန်းကန်ထဲမှာ အစီအစဥ် တကျ ထည့်သွင်းပြင်ဆင်ပြီး စားသုံးနိုင်ပါပြီ။ 

အခုပြုလုပ်ပြသွားတာက ကိုရီးယားရဲ့ နာမည်ကျော် ရိုးရာအစားအစာတစ်မျိုးဖြစ်တဲ့ ကိုရီးယားခေါက်ဆွဲ အေး အသုပ် ဖြစ်ပါတယ်။ ခေါက်ဆွဲအေးကို ရေခဲတုံးလေးတွေထည့်သွင်းထားတဲ့ အရည်ပုံစံနဲ့လည်း စား သုံး နိုင်ပါသေးတယ်။ 

ဘာလေးထည့်လိုက်ပြီး ဘယ်လိုပြင်လိုက်ရင် အရသာပိုပြီးရှိစေနိုင်မယ့် အခြားနည်းလမ်းတွေရှိခဲ့ရင်လည်း Comment မှာ ဝေမျှပေးသွားပါဦးနော်။