ထမင်းဝိုင်းမှာ ဟင်းရည်ပူပူလေးတစ်ခွက်ပါမှ စားလို့မြိန်တဲ့သူတွေရှိလား။ အာဟာရရှိတဲ့ ပါဝင်ပစ္စည်းတွေနဲ့ စွတ်ပြုတ်ချိုလေးတစ်ခွက်ကို မကြိုက်တဲ့သူဆိုတာ ရှားမယ်ထင်ပါတယ်။  ဒါကြောင့် အသက်အရွယ်မရွေး ကြိုက်နှစ်သက်ကြမယ့် ဝက်မှိုလုံးဟင်းရည် ပြုလုပ်နည်းလေးကို အောက်မှာ ဖော်ပြပေးလိုက်ပါတယ်။ 

ပါဝင်ပစ္စည်းများ

•    ဝက်သား(ကြိတ်သား)

•    ရှီတာကီမှို

•    မုန်ညင်းထုပ်

•    မုန်လာဥ

•    ပြောင်းဖူးကော်မှုန့်

•    ပဲလိပ်ခြောက်

•    ပန်းခြောက်

ဟင်းရည်ပြုလုပ်နည်းလေးကတော့ -

•    အရင်ဆုံး ကြိတ်ထားတဲ့ ဝက်သားကို ကြက်သားမှုန့်၊ ပဲငံပြာရည်၊ ခရုဆီ၊ ဂျင်း၊ ငရုတ်ကောင်း၊ မှို၊ ပြောင်းကော်မှုန့်တို့နဲ့ နယ်ပြီး အရသာသွင်းလိုက်ပါ။ 

•    အရသာသွင်းပြီးတဲ့ ဝက်သားကို အရွယ်တော် အလုံးလေးတွေလုံးပြီး ဆီအနည်းငယ်နဲ့ အပေါ်ယံ အရောင်ပြောင်းလာတဲ့အထိ ကြော်ပါ။ 

•    ကြက်သွန်ဖြူ၊ ဂျင်း၊ မုန်လာဥ၊ မှို၊ ပဲလိပ်တို့ကို ဆီသပ်ပြီး ရေမြုပ်အောင်ထည့်ပါ။ အရသာများထည့်ပြီး မုန်ညင်းထုပ်နဲ့ ပြောင်းဖူးကော်မှုန့်ထည့်ပြီး ဟင်းရည်ဆူလာအောင်တည်ပါ။ ဟင်းရည်ဆူလာလျှင် ကြော် ထားတဲ့ ဝက်မှိုလုံးတွေကိုထည့်ပြီး ၁၀ မိနစ်ခန့် တည်ထားပြီးပါက ဝက်မှိုလုံးဟင်းရည်ချိုချိုလေး စားဖို့ အသင့်ဖြစ်နေပါပြီ။ 

•    ဝက်မှိုလုံးဟင်းရည်ကို ပေါက်စီ၊ ဒင်းဆမ်းတို့နဲ့ တွဲဖက်ပြီး စားသုံးနိုင်ပါတယ်။  

စိတ်ကျေနပ်ဖွယ်အရသာနဲ့ အာဟာရအပြည့်ရှိတဲ့ ဒီစွတ်ပြုတ်ချိုလေးက အစာအိမ်နွေးပြီး တနေကုန် အားပြည့် နေစေတဲ့ပြင် လုပ်ရလည်းလွယ်၊ မြန်လည်းမြန်တာကြောင့် အလုပ်ရှုပ်တဲ့ နေ့ရက် တွေမှာ ကိုယ့်အကြိုက်ဟင်းရည်ပူပူလေးတစ်ခွက်ကို အချိန်တိုအတွင်း ပြင်ဆင်ချက်ပြုတ်နိုင်ပါတယ်။ ဒီဝက်မှိုလုံး ဟင်းရည်ရှိပြီဆိုရင် အိမ်ရှင်မတို့အနေနဲ့ လူတိုင်းအကြိုက်နဲ့ကိုက်ညီတဲ့ ဟင်းတစ်ခွက်ချက်ဖို့ လည်း ခေါက်ခြောက်ခံ နေစရာမလိုတော့ဘူးမဟုတ်လား။